www.buett.de - mit tilo in die bütt

Führerschei und Frankewei - nicht zu bestellen, da vollständig abrufbar

von Tilo Gernert

Führerschei und Frankewei
dia don sich nicht vertroch
war dia nit aussernanner hölt
der derf sich nit bekloch

Denn hast Du in Dein Bluet zoviel
vo dann edlen Wei
bist Du zwor voll Glückseelichkeit
doch nit die Polizei

Dia lauert scho, wenn erchetwua
a Festlichkeit it los
und war ihr nit ganz nüchtern scheint
der muß neis Röhrla blos

Wenn sichs verfärbt, dann its passiert
do geits mästens ken Zweifel
und zeicht Dei Bluet zoviel Promill
it der Führerschei beim Teifl

Der werd dann zo a längera Kur
nach Flensburg nauf gemald
und Du sixt plötzli über Nacht
ganz annerscht ou dia Walt

Nemmer derch der Windschutzscheim
des muß kee Unglück sei
denn es Rodfohrn mecht a richti Spaß
und tot racht gsund nou sei

Und mancher hat widder entdeckt
daß die Bee zon laffn g`hörn
und trimmt sein müedn Körper fit
der Spout kann na nit störn

Wenns Dich derwüscht , machs besta draus
möwl Dein Körper auf
die Spötter, dia wern blaß vor Neid
und Du kannst leichter schnauf
 
 

Home
Bestellen